Ordførar Einar Kjerpeseth er optimist sjølv om hans eige parti, Senterpartiet ikkje har funne rom for fullfinansiering av Bremanger-sambandet før i 2011. Er du interessert i meir fakta om fastlandssambandet har vi plukka ut nokre hovudmoment frå vegsjefen sitt saksarkiv. Der står det mellom anna at vegen Kolset-Klubben blir heile 93 millionar kroner dyrare enn først antatt.

Senterpartiet har i sitt framlegg til vegløyvingar fram til 2011 sett Dalsfjordsambandet framfor faastlandssambandet for Bremanger. Dalsfjordsambandet står på plassen ovanfor andre byggesteg av fastlandssambandet med henholdsvis 180 og 177 milionar kroner kvar.

"STEINGAMLE DALSFJORD-KALKYLER"
- Vi har med dette gitt eit positivt signal om at vi er positive til Dalsfjordsambandet. Likevel er det stor skilnad på desse to vegprosjekta. For Dalsfjord manglar det aller meste og kalkylane for dette anlegget er steingamle. Vegsjefen har meir enn antyda at dette anlegget vil koste mykje meir enn dei opprinnelege 350 millionane, kanskje det dobelte med oppgradering av vegane rundt sambandet, seier Bremanger-ordføraren til Fjordenes Tidende i dag.

- Vårt samband er planlagt og kostnadane utrekna, dermed er vi klar den dagen politikarane gjev oss midlar, legg Kjerpeseth til.

Nettavisa Svelgen.no har leita litt i vegsjefen sine arkiv og funne følgande interessant stoff om fastlandssambandet:

93 millionar dyrare:

   Kostnadsoverslag (alle beløp i mill. 2002-kr):
   Opphavleg overslag:                          238,5  mill kr   År: 1997 
   Overslag i St. prp. nr 1 (2000-2001):        331,5  mill kr                   
   Siste overslag                               331,5  mill kr                
   Endring i høve til opphavleg overslag        +93,0  mill kr    Pst: + 39   
   Endring i høve til St. prp. nr 1 (2000-2001):  0,0  mill kr    Pst:    0       

Prosjektomtale
I år 2002 vil det gå føre seg arbeid med den 2 km lange vegparsellen Kolset – Haukedalstunnelen.

I Krakevik- og Haukedalstunnelen vil det gå føre seg arbeid med betongportalar og oppbygging av vegbane. I Skatestraumtunnelen vil siste del av dei tekniske installasjonane bli montert.

Heile anlegget blir ferdig og opna for trafikk i 2002.

Veg og prosjektnamn: Rv 616 Langesi – Kolset

   Kostnadsoverslag (alle beløp i mill. 2001-kr):
   Opphavleg overslag (St. meld. nr 34, NVVP  1994-97):   104 mill. kr  
   Siste overslag:                                        200 mill. kr  
   Endring i høve til opphavleg overslag:                + 96 mill. kr 

Prosjektomtale
Det er godkjend hovudplan frå 1992 for dette prosjektet. Mellom Langesi og Bortne inneber hovudplanen bygging av 2,1 km tunnel frå Langesjø til Bortnedalen og omlag 5 km veg, det meste i Bortnedalen. Vidare frå Bortne til Leirgulen er vegen ikkje tenkt utbetra. Frå Leirgulen til Kolset skal vegen byggast om ca 2 km, og det skal byggast gang- og sykkelveg på denne strekninga.

Det opphavlege overslaget var basert på eit usikkert plangrunnlag frå 1992. Sidan den tid har det vore ei generell standardheving på veg- og tunnelbygging, miljøkrava har auka og administrasjonskostnadane er no med i overslaget.

Vi har ført opp 200 mill. kr til rv 616 Langesi – Kolset, som er ei fullføring av fastlandssamband til Ytre Bremanger. Då Stortinget vedtok oppstarting av første etappe, parsellen Kolset – Klubben skreiv departementet i St. prp. nr 1 (1996 – 97) side 117: ”...Full nytte av investeringene får en først når hele sambandet står ferdig med veg fra Kolset til Langesi på rv 614, det vil gi en innkorting på 33 km for trafikken mellom Ytre Bremanger og Svelgen, og medfører at ferjen mellom Smørhamn og Kjelkenes kan legges ned.”

DÅRLEG EFFEKT
Første etappe av anlegget som vert ferdig i 2002 gjev ein svært dårleg effekt på grunn av den lange omvegen tildels på dårleg fylkesveg fram til kommunesentret Svelgen. Ideelt sett burde vidareføring skje direkte, utan avvikling av byggeleiing og anleggsrigg, men ramma for 2002 – 2005 tillet ikkje det.

Vegsjefen ser det som viktig å få full nytte av fastlandssambandet til Ytre Bremanger så snøgt råd er, og fører opp fullføring av anlegget i perioden 2006 – 2011.

SJØFUGL OG STEINALDER
På riksvegnettet er det berre eit vegprosjekt som kjem nær eit verna område. Det gjeld rv 616 Kolset-Klubben som passerer eit naturreservat som er hekkeplass for sjøfugl. Det er ikkje planlagt spesielle tiltak i forhold til denne nærføringa.