Svelgen.no Sport 

Trekning av Firda Avis Cup 28.05.2001

Av: Frank Ryland

Svelgen sitt 6. divisjonslag i fotball har trekt 4. divisjonslaget Skavøypoll i 1. runde i Firda Avis Cup. Kampen går på Svelgen Stadion onsdag 6. juni. Sidan det er to divisjonar i skilnad på laga, får Svelgen byrje kampen med to straffer.

Skavøypoll har byrja svært godt i 4. divisjon og ligg på 2. plass på tabellen med 3 sigrar, 1 uavgjort og 1 tap. Berre leiarlaget Jølster har dei tapt for. Følg med på STIF- tavla ved Blomsterbutikken, så får du vite nøyaktig tidspunkt for kampen.

Svelgen har tradisjonar i Firda Avis Cup og vann den første cupen som vart arrangert i 1985, og vann også i 1987. På bildet under ser du vinnarlaget til STIF som slo Heia 4 - 2. Heia som hadde dagens landslagstrenar, Harald Aabrekk som spelande trenar. I finalen scora Arne Petter Grindheim tre og Dag Eikeland eit mål.

Bilde fra 1985:

På bildet ser ein bak frå venstre: Dag Eikeland, Arne Petter Grindheim, Frank Midtbø, Arild Sande, Roald Nigardsøy, Edvin Førde og Terje Sandvik. Framme frå venstre: Øyvind Grindheim, Terje Førde, Frank Ryland, Dag Ripe, Bjarne Lunde og Asbjørn Svarstad.