April 2001
Regulerer området rundt båthamna
Politikarane i Bremanger vil fjerne lagringsplassen like overfor båthamna i Svelgen sentrum og i staden regulere området til forretning og bustadføremål.
Data-eventyret med opphav i Svelgen
Bak den bølgeblikk-kledde siloen, på bakken innimellom fabrikk-bygningene her inne i Svelgen, ligger et data-eventyr. Her, hulter til bulter, ligger motoren i kanskje halvparten av verdens PC'er, her ligger selve sentret i de avanserte datamaskiner som for tiden holder på å snu verden opp-ned.
1300 på Bremangermessa
1300 billettar var fasiten over besøkjande på Bremanger-messa. - Vi er nøgde med det. Det er omlag like mykje som i fjor, seier Kåre Magne Moe i messestyret.
Bremanger-rekneskapen i balanse
Kommunestyret i Bremanger godkjende torsdag kommunerekneskapen for 2000. Rekneskapen er gjort opp i balanse ved at netto driftsresultat er nytta gjennom føretekne avsetningar i årsoppgjeret.
Rekneskapen viser eit netto driftsresultat på kr 7.061.114,-. Den samla lånegjelda til kommunen var ved årsskiftet på 184,4 millionar kroner.
Skuldar kommunen 2,5 millionar i skatt
Ved siste årsskifte hadde Bremanger kommune 87 skattytarar som til saman skulda 2.475.051 i restskatt for inntektsåra 1986–98.
Kyrkja overfører Bremanger til Nordfjord
Bjørgvin bispedømmeråd vil overføre Bremanger prestegjeld til Nordfjord prosti.
I retten for hotellsvindel
Ein 37 år gamal mann frå Bremanger er tiltalt for bedrageri mot 16 hotell på Vestlandet. Mannen skal ha lagt seg inn på hotella og forsynt seg av både mat og drikke utan å betale. I tillegg er han tiltalt for ikkje å ha betalt drosjerekningar, for drukkenskap og for å ha truga si eiga mor med kniv.
Kjerpeseth nektar lovbrot
Ifølgje Fylkesmannen er det ikkje ulovleg, men uvanleg, at det vert gjeve byggeløyve før klagefristane er ute, hevdar ordførar Einar Kjerpeseth.
Ambulansen berga kjær hund i Svelgen
Hege Valberg i Svelgen er glad ho jobbar i ambulansetenesta. Og ho takkar kollegaene Kristin Solvang og Odd Magne Tolstadløkken for at "Farah Diba" lever i dag.
Får ikkje ny ferje likevel
Den nye ferja som er kontrahert til sambandet Måløy–Oldeide, kan likevel ikkje setjast inn i sambandet. Årsaka er at ferjekaiene i Måløy, Husevåg og på Oldeide ikkje held mål til å ta imot den nye ferja.
Naomi i Heyerdals fotefar
Vi har spurt gjengen på Naomi om dei kunne tenke seg å sende nokre ord frå den fantastiske båtturen dei har lagt ut på. No har det seg slik at Firdaposten har kjøpt eineretten til historier. Men de som har tilgang til Internett får med dykk endå meir her. Allan Dyrstad som er komen heim seier til Svelgen.no at det kan ta ei viss tid til vi får fatt i gutta på Naomi ettersom dei ho har forlete Equador med kurs vestover enten via Påskeøya eller Galapagos. Turen deretter går til Fransk Polynesia, og dette er ein svært lang tur på tilsaman 4000 nautiske mil, fortel Allan Dyrstad som reknar med at heile mai kan gå før han får kontakt med dei igjen. Han mønstra av 12. April. Dagen etter reiste dei gjennom Panama-kanalen og historia vidare kan du lese på Naomi si Internettside.
Nytt liv i Svelgen nærradio
Det vert no arbeidd med å starte opp Svelgen nærradio igjen og at dette skal skje i eit samarbeid med denne web-sida du no er inne på.
Vatnet i SvelgenOrdføraren seier at det ligg til rette for at Svelgen vassverk skal få vatn frå kraftverket ved Elkem. Arbeidet med montering av pumper inne på Elkem sitt område er allereie starta opp, og bygging av reinseanlegg vil bli lyst ut på anbod i løpet av april.
Vatnet frå Elkem er så reint at det berre treng desinfisering ved UV-stråling for å tilfredsstille krava i "Drikkevass-forskrifta". Vi vonar reinseanlegget vil vere ferdig slik at vi får reint vatn ut på nettet i løpet av juni. Utskifting av vassleidningen vil ta til etter at ekspertar har gått over alle leidningane og vurdert kva strekningar som må skiftast ut.
Bremangersambandet
Ordføraren seier også at i møte vart det løyvd kr.50.000,- til Kystvegutvikling AS. Desse pengane skal m.a. brukast til å utarbeide ei enkel brosjyre for å informere og påverke Storting/Fylkesting. Vegsjefen sitt forslag om å skyve ut siste del av Bremanger-sambandet slik at det ikkje blir oppstart før i 2006 kan ikkje bli ståande, seier ordføraren, og det må arbeidast aktivt for å få framskunda arbeidet. Han fortel at Kystvegutvikling AS marknadsfører ny trase mellom Bortne og Sørdalsvatnet. Dette vil korte køyrelengda mellom Måløy og Florø med 7 km og dermed også tilsvarande mellom ytre Bremanger/Rugsund og Svelgen.
Trådlaus skule i Svelgen
I tråd med den satsinga som Svelgen skule og Bremanger VeKsT har gjort for å få til eit kreativt læresenter ved skulen, har det trådlause nettverket som er ein viktig del av satsinga, kome i hus.